أسعار بعض القطع الاستهلاكية لهيونداي النترا

الفاتوره من الوكالة ولا محلات قطع غيار برا؟

الفاتورة من الوكالة والقطع من فرع الناغي نفسه 

لو اخذتها من محلات قطع الغيار الي برا تطلع ارخص من كذا

غالية محلات القطع ارخص وبنفس الجودة
http://hyundai.montada.haraj.com.sa/67053

فعلا محلات قطع الغيار أرخص 
ولكن للأسف أنا أسكن في محافظة فيها مستثمر يمني فتح كثير من محلات قطع الغيار بأسماء مختلفة
ويبيعها بسعر مثل الوكالة وأغلى
لأن الوكيل غير موجود بالمحافظة الي أسكنها 
وكنت مسافر الغربية وأخذت قطع الغيار من الوكيل لأني خفت تكون مختلفة ولا تركب على سيارتي لضمان القطع برقم الهيكل
ولضمان الصناعة
المشكلة المستثمر اليمني يبيع بعض القطع الاستهلاكية التجارية على أنها أصلية خصوصا الفحمات والفلاتر 
أشتريت منه فلتر للمكيف طلع قاسي مثل الكرتون ويطلع صوت عند تشغيل المكيف
ومرة أخذت بواجي لأخوي سببت تفتفة قوية أثناء المشي ورجعتها للمحل
ومرة أخذت كمبروسر لسيارتي القديمة طلع الكمبروسر معاد تصنيعه وضعيف في الآداء وأجمع الفنيين على أن الكمبروسر مضروب
 
لا آخذ منهم إلا مضطرا

اخوي شلون تشوف مكيفها ؟

معاي ١٦ الدفعه الاولى و مو مناسب بالحيل
ما ادري ضعف اراجع الوكاله ولا هو اساسا كذا مو ممتاز .

زوحان معي النترا 2015 الدفعة الثانيه والمكيف سيئ جدا فالظهر
تكييف الكوري ضعيف

يا anosi
انا دايم اشتري القطع الوكالة بس دايم اشوف الشباب يقولون القطع برا ارخص ولا ادري عن القطع برا هي اصلية ولا مقلدة

لاني قد شريت مساعد فورد 2000 من التقوى اصلي ويوم جيت بغيره لقيت المساعد القديم يختلف عن مساعد التقوى
رجعت للوكالة وطلبت مساعد ولقيته نفس المساعد القديم
وطلع مساعد التقوى تجاري بس في نفس كرتون الوكالة
من بعدها صرت اشتري وكالة واريح دماغي

الأخ زوحان والأخ شويخ
غريبة أنا أداوم يوميا مسافة طويلة وحرارة حول 45 أغلب السنة
والسيارة بدون تظليل والمكيف بارد جدا جدا
واستخدمت من قبل عدة سيارات جديدة ومستخدمة
والنترا 2015 و كورولا 2007 الأفضل من ناحية التكييف
مع العلم أنني حريص جدا عالمكيف
لا أشغله إلا بعد ما تسخن السيارة ولا أشغله والسيارة تمشي
أما فلتر المكيف أفكه كل تغييرة زيت وأنظفه بالهواء المضغوط
وكل 25 ألف أغير الفلتر بواحد جديد

والمكيف بارد ولم أشعر بضعف أبدا في الآداء
سيارتي موديل 2015 صناعة 2014 مكينة 2000 سي سي ستاندر بدون فتحات تكييف خلفية وبدون فتحات تبريد في الدرج

هو جيد عندي اذا مسكت خط يكون جميل و مأدي للغرض
لكن في المدينه مو سيئ سيئ ولكن مايفي بالغرض
اتكلم عن الضهريه باقي الاوقات ثلج
و السياره توها ماشيه ٢٨ الف
بغير زيت ع ٣٠ و بغير فلتر المكيف وشوف وش يصير معاي ؟

أخي زوحان بالنسبة للفلتر إذا كان وسخان يؤثر على دفع الهواء
وإذا كان دفع الهواء ضعيف تقل كفاءة التبريد

^ ياشويخ جرب غير الفلتر 
وتشوف التبريد يتغير ١٨٠ درجة 
اول عندي الكامري تبريدها الظهر ضعيف تشغلة
على اخر درجة وماينفع من غيرت فلتر المكيف بفلتر اصلي 
تغير عن اول يكثير الحين الظهر اشغله على ٢ او ٣ ثلج

انا مهتم بصيانة وفلتر المكيف اغيره كل 20 الف
المشكلة ماهي الفلتر
لان المكيف فالليل ثلج والظهر ادئه فاشل وماله علاقه فالفلتر
انا تابعت منتديات الكوري وشفت مواضيع فكثبر الي اشتكوا